Në kuadër të projektit për “Edukimin mbi Median dhe Informacionin me Mësuesit e Ardhshëm”, u zhvillua trajnimi i dytë i ciklit të trajnimeve me studentë të Departamentit të Edukimit dhe Gjuhës Angleze në Kolegjin Universitar “Bedër”.
Trajnimi u zhvillua nga përgjegjësi i Departamentit të Shkencave të Komunikimit Dr. Erlis Çela.
Projekti për “Edukimin mbi Median dhe Informacionin me Mësuesit e Ardhshëm” implementohet nga Instituti Shqiptar i Medias me mbështetjen financiare të Ambasadës së SHBA-së në Tiranë.
Studentët e Vitit të Tretë Bachelor në Gjuhë dhe Letërsi Angleze, së bashku me anëtarët e Youth Club morën pjesë në promovimin e librit” Enciklopedia Imagjinare”, postroman, të Prof. Dr Bajram Kosumi, organizuar në Panairin e Librit të Tiranës.
Në bashkëbisedimin me studentët, Kosumi foli për Letërsinë Shqipe e atë të huaj dhe për rëndësinë e studimeve te thelluara në Shkencat Humane.
Ai gjithashtu foli për vizitën e tij të parë në Bedër 7 vite më parë dhe mbresat pozitive që takimi me studentet kishte. Për më tepër Profesori i Nderuar dhe Intelektuali i angazhuar, Kosumi shprehu dëshirën dhe gatishmërinë për një tjetër vizitë dhe takim të zgjeruar me studentet dhe stafin e Bedër, në të ardhmen e afërt.
Në kuadër të projektit për “Edukimin mbi Median dhe Informacionin me Mësuesit e Ardhshëm”, u zhvillua sot trajnimi i parë i ciklit të trajnimeve me studentë të “Master Profesional në Mësuesi: Gjuhë Angleze i ndarë në dy profile: Arsimi i Mesëm i Lartё dhe Arsimi i Mesëm i Ulёt” në Kolegjin Universitar “Bedër”.
Në trajnim u dsikutua me mësuesit e ardhshëm roli që luan media në formësimin e ideve tona për botën, në mënyrën se si ne e perceptojmë realitetin dhe përditshmërinë tonë, si dhe rëndësinë qe ka njohja e fushës së medias për të qenë një mësues dhe një qytetar i përgjegjshëm.
Këta studentë janë kontigjenti i mësuesve të ardhshëm, të cilët do të edukojnë nxënësit e sistemit parauniversitar në fushën e edukimit mediatik.
Projekti për “Edukimin mbi Median dhe Informacionin me Mësuesit e Ardhshëm” implementohet nga Instituti Shqiptar i Medias me mbështetjen financiare të Ambasadës së SHBA-së në Tiranë.
Z. Philip McCann, kolumnist i çështjeve të kulturës dhe artit ishte i ftuar në lëndën 'Letërsi Postkoloniale', ku lektron Dr. Edona Llukaçaj.
Në bashkëbisedimin me studentët e lëndës dhe anëtarët e Youth Club, z.McCann foli mbi eksperiencën e tij si kolumnist, duke përfshirë kontributin e tij si kritik letrar për “The Guardian & The Spectator”.
Ai gjithashtu u fokusua në një prej tregimeve të tij nga përmbledhja "The Miracle Shed" (UK: Faber & Faber, 1996), për të ilustruar margjinalizimin shoqëror, si një çështje që vijon të ketë ndikim domethënës në mbarë botën dhe si një prej temave të lëndës në fjalë.
Departamenti i Edukimit dhe Gjuhës Angleze organizoi një leksion të hapur me z. Fari Laçka, i diplomuar në master shkencor në Gjuhë dhe Letërsi Angleze në vitin 2016.
Z. Laçka ndau me studentët eksperiencën e gjatë profesionale në fushën e përkthimit. Ai u shpjegoi studentëve disa metoda dhe strategji që përdoren gjatë përkthimit dhe interpretimit të librave.
Studentët drejtuan pyetje të shumta dhe mësuan njohuri të reja gjatë diskutimin interaktiv me të.
Leksioni i hapur u organizua në kuadër të ciklit të takimeve "Alumni Meeting – Career Path and Success”.
Në kuadër të ditëve të orientimit studentët e vitit të parë të Departamentit të Edukimit dhe Gjuhës Anglese zhvilluan biseda konstruktive me stafin akademik.
Studentët morën këshilla të vlefshme dhe gjithashtu u njohën me të gjitha aspektet për të pasur një mbarëvajtje të suksesshme të jetës studentore.
Departamenti i Edukimit dhe Gjuhës Angleze dhe Zyra e të Diplomuarve në Kolegjin Universitar Bedër organizuan "Bedër Alumni Reunion", ribashkim i të diplomuarve mes brezave të këtij departamenti.
Aktivitetin e përshëndeti Përgjegjësja e Departamentit të Edukimit dhe Gjuhës Angleze, Dr. Irena Shehu.
Ajo tha se ky takim ka si qëllim për të rifreskuar kujtimet dhe për të ndarë sukseseset mes njëri-tjetrit, shkëmbimin e pervojave duke arritur keshtu zgjerimin e netëork-ut dhe krijimin e lehtësirave të tjera. Gjithashtu znj. Shehu theksoi se përvoja e të diplomuarve është tejet e rëndësishme edhe për studentët aktual, pasi në këtë mënyrë zgjerohet rrjeti i niohjeve mes të diplomuarve duke shërbyer si një urë me tregun e punës.
Të diplomuarit i përshëndeti edhe pedagogu Dr. Ëillim Martin. Ndërsa nga studentët përshëndeti znj. Xhulia Harremi dhe Rigelsa Qorri.
Gjatë këtij takimi ishin të pranishëm pedagogë të departamenti si dhe pedagogë të cilët kanë qenë pjesë e këtij departamenti ndër vite.
Ky aktivitet shërben si një mundësi për të diplomuarit, të ndajnë përvojat e tyre, të ndërveprojnë dhe të diskutojnë arritjet e tyre në fushën profesionale.
Aktiviteti u zhvillua në një ambient miqësor dhe të frytshëm, ku të diplomuarit shprehën mendimet e tyre, ndanë ide dhe biseduan për sfidat dhe mundësitë në fushën profesionale, duke inkurajuar bashkëpunimin dhe ndërtimin e lidhjeve të reja mes të diplomuarve të brezave të ndryshëm.
Departamenti i Edukimit dhe Gjuhës Angleze në Kolegjin Universitar Bedër organizoi seminarin me temë: "Profesioni i Mësuesit. Rrugëtimi dhe Sfidat."
E ftuar ne bashkëbisedim me studentët ishte Znj. Fozilet Simoni, specialiste në Sektorin e Inspektimit dhe Vlerësimit të Cilësisë në Drejtorinë e Përgjithshme të Arsimit Parauniversitar (MAS).
Qëllimi i këtij seminari ishte informimi i studentëve rreth profesionit te mesuesit. Znj. Fozilet Simoni, gjithashtu, ndau me studentët përvojën e saj personale, duke i njohur ata me rrugëtimin e saj në mësuesi, si dhe i këshilloi të ndiqnin pasionin e tyre dhe të mos dorëzoheshin para vështirësive jo të pakta në këtë profesion.