Një mundësi për të kaluar dy javë në Londër!
Të dashur miq,
British Council organizon një konkurs duke iu kërkuar t'i përgjigjeni një pyetjeje shumë të thjeshtë: "Përse nevojitet gjuha angleze për punësimin tuaj?"
Detajet janë si më poshtë.
Nëse jeni një student, i diplomuar apo një profesionist i ri që jeton në Shqipëri, pse nuk merrni pjesë në Konkursin tonë “English4Employability” ? Fituesi do të kalojë dy javë në Britaninë e Madhe, duke mësuar gjuhën angleze dhe takuar njerëz të rinj nga e gjithë bota. Gjithçka që duhet të bëni është t’i përgjigjeni kësaj pyetjeje të thjeshtë: " Përse nevojitet gjuha angleze për punësimin tuaj?"
Konkursi “English4Employability” organizuar nga British Council është pjesë e programit “SEE Into the Future” ,"Shikoni Drejt të Ardhmes", i cili ndihmon në përmirësimin e mundësive për të rinjtë në shumë vende, duke përfshirë Shqipërinë, të zhvillojnë dhe të përmirësojnë aftësitë e tyre në mënyrë që të kenë perspektiva më të mira punësimi.
Konkursi “English4Employability” organizohet nga British Council dhe shkollat e gjuhës në Britaninë e Madhe.
Mos e humbisni këtë mundësi dhe vizitoni faqen e mëposhtme për të aplikuar në konkurs!
http://www.britishcouncil.al/en/events/english4employability